24-11-2019 - Actos da homenaxe o Padre Marino Domínguez Chantrero

Os Chaneiros xunto co Colexio San Narciso de Marín e colaboradores que foron membros de Os Chaneiros de outras épocas, realizarán o Domingo día 24 unha homenaxe a memoria do seu fundador finado o mes pasado, o Padre Marino Domínguez Chantrero. Dende aquí facemos un chamamento a tódolos compoñentes do grupo de todas as xeracións para colaborar ou sólo asistir o acto.

Tras 45 anos da Asociación "Os Chaneiros", a morte do noso fundador deixa un vacío nos corazón de todo aquel que pertenceu a esta banda. É por iso que este ano se cancelan tódolos eventos relacionados co 45 aniversario, en sinal de loito.

Os actos de homenaxe realizaranse o domingo día 24 de Novembro no Colexio San Narciso, o que foi o seu fogar durante moitos anos, e na que deu clase. Foi aquí onde crearía o grupo Os Chaneiros. Coa colaboración de Antonio Fernández, vedel do colexio e compositor do grupo ó que tódolos anos se lle adica o "Memorial Antonio Fernández".

Ás 17:00 comezará un acto na mesa de pedra situado no final da mesa de atletismo do colexio. Mesa artística na que el colaborou moi activamente na súa creación. Alí, o colexio San Narciso lle adicará unha placa que quedará no recordo da sua memoria e servirá para dalo a coñecer por tódolos alumnos que pasen por alí. Contaremos, se o tempo acompaña, cunhas palabras dun dous seus compañeiros de fatigas, o hermano Merino, e alí Os Chaneiros tocarán unha peza adicada o seu fundador.

Acto seguido, realizarase un pequeno pasarrúas dende a mesa de pedra ata o salón de actos do San Narciso. Alí comezará un acto homenaxe moi completo. O hermano Eligio Rivas (un dos máis ilustres historiadores de Galicia), adicará unhas palabras o seu compañeiro Paúl co que viviu tantas e tantas aventuras. 

Realizarase unha pequena proxección con fotos e videos antigos, e ademáis, de tódas aquelas persoas que non poidan acudir a este chamamento e queiran grabar un video corto adicándolle unhas palabras.

Entre parte e parte do acto, as distintas xeracións dos Chaneiros lle adicarán cancións.

O remate do acto será unha misa, ás 19:00 tamén no salón de actos, para todos aqueles que non puideron asistir o funeral. Esta misa será oficiada polo cura Santos e será unha misa como o Padre Marino sempre quixo, con música de gaitas e cancións cantadas.

Ó remate da misa e para acabar os actos, tódolos gaiteiros presentes tocarán unha canción final na que destacará a presencia de Anxo Lorenzo, gaiteiro internacional e considerado un dos máis grandes, que comezou os seús estudos de gaita baixo as ordes do Padre Marino, ó que lembra con moito cariño. Agradecemos esta colaboración que sae dende o corazón.

Está habilitada unha plataforma para que todo aquel que o desexe poida colaborar aportando documentación ou o video curto para adicar nos actos do homenaxe.

SUBE A TÚA DOCUMENTACION OU VIDEO AQUÍ

24/11/2019 - Homenaxe-Misa o Padre Marino Dominguez Chantrero - Fundador de "Os Chaneiros"

O mes pasado (19/10/2019), finou o noso Fundador, Padre Paul e mestre do colexio San Narciso, Marino Domínguez Chantrero, a idade de 84 anos. D.E.P., mestre!

Seguindo a vontade de moitos, que non puideron ir o seu funeral no Santuario dos Milagres de Maceda a presentar as súas condolencias, vaise a realizar unha homenaxe a súa figura en Marín. Concretamente os actos terán lugar no Colexio San Narciso, en Chan do Monte, na que foi a súa casa durante moitos anos.

Os actos serán o día 24 de Novembro (Domingo) e consistirán nun acto homenaxe ás 17:00 na Mesa de Pedra que fica o fondo da pista de atletismo. Recórdannos que el colaborou activamente na súa construcción e é un lugar privilexiado para adicarlle unhas verbas.

Despois do acto na Mesa iremos para o Salón de Actos ónde continuaremos coa homenaxe,  recordando a figura do P. Mariño e o que significou para "Os Chaneiros", o Colexio e tantas outras persoas que tiveron relación con él. Para finalizar ( sobre as 19:00) celebraremos unha misa no súa honra, ónde nos gustaría que soaran gaitas de tódalas épocas dos Chaneiros,  todos tocando xuntos para él.

As cancións que se tocarán na misa serán: Antiguo Reino, Himno Galego, A Barroca e non pode faltar o "Baile da Misa".
Dende a organización deste evento, invitamos a todo aquel que queira colaborar no acto a poñer o seu gran de area.  Quérese aproveitar este evento para facer un reencontro dentro desta gran familia Chaneira, que é o que sempre desexou o Padre Marino

Os medios para colaborar pasan por:
- Xuntarse cos excompañeiros e adicar unha canción libre no acto homenaxe.
- Tocar na misa durante as canción de: entrada, consagración e saída.
- Preparar unhas verbas
- Se non vas a poder asistir e queres participar neste acto, farase un pase de videos o remate da misa de toda a xente que lle queira facer unha dedicatoria. O ideal sería ter videos de non moito máis de 30 segundos. Para isto, estase a crear unha plataforma para que todos poidan subir os seus videos, e incluso, que poidan aportar documentos únicos (fotos, vídeos, documentos antigos...) que Os Chaneiros se encargarán de facer chegar ó museo dos Devanceiros do Santuario de Maceda, na que hai unha sección adicada en exclusiva a "Os Chaneiros".

 Iremos anunciando ás asociacións que se sumen a este evento e lles faremos unha mención especial, e xa lles agradecemos de anteman.

Actualizaremos este post coa información necesaria e a plataforma na que poderedes subir os vídeos.

Calquera dúbida, podedes comunicala o e-mail do grupo: oschaneiros@gmail.com, o seu perfil do grupo de Facebook, ou no teléfono da Asociación 676 46 26 94 (tamén e válido por whatsapp a este mesmo número).

O noso corazón estará sempre contigo, Padre Marino, e só queremos decirche que non nos tomamos a túa marcha con tristeza, senón coa ledicia que sempre intentaches contaxiar. Ti puxexhes os cimentos para que creceran grandes cousas! Adeus Mestre!!

Inicio de curso 2019/20 - Os Chaneiros

Dende a Asociación Artístico Cultural "Os Chaneiros", queremos presentarvos a nosa oferta para este ano en formación de música tradicional.




Como escola, a nosa labor e ensinar os rapaces na nosa cultura galega. Por iso, comezamos un novo curso cos mellores mestres e cun novo e ambicioso proxecto, feito para o disfrute de todos.

Contacta no 676 462 694 para consultar a nosa programación e os nosos horarios.

O noso local de ensaio está sito no colexio San Narciso. Contamos con instalacións adecuadas para o ensaio, tanto musical coma danza.

Haberá clases de:

- Gaita

- Percusión

- Baile tradicional

Tanto en nivel de iniciación coma perfeccionamento temos precios populares. Non atoparás mellor oferta. Chama sen compromiso para informarte.

Mestres: 

- Gaita: Cristobal Prieto e Adrián Insua. Abarcarán solfeo, aprendizaxe musical e perfeccionamiento da gaita.

- Percusión: Miguel Fraguas (Miguel Tenorio) que iniciará ós rapaces nos ritmos tradicionais e formará con novas técnicas os máis avezados.

O horario das clases distribuirase os Venres de tarde e os Sábados de mañanciña. Nesta páxina sairán os horarios definitivos.

VIII Memorial Antonio Fernández

Outro ano máis Os Chaneiros estamos encantados de presentar o noso recordo con cariño a Antonio Fernández, colaborador e compositor do grupo e de Marín.

Nós sabemos que a música non é efimera, e que mentres alguén toque as túas cancións, a tua memoria nunca cairá no olvido. Con este motivo, naceu o Memorial Antonio Fernández.

Son moitos os artistas que son recordados despois da súa morte. Non foi así con Antonio. Tivo o seu recoñecemento en vida, e agora honramos a súa memoria cada ano neste fermoso Festival nos que os nenos son os protagonistas. Aqueles nenos e nenas ós que Antonio non só adicou todo o seu cariño, senón que moitos deles teñen a súa propia canción composta para eles.


De éstas cancións adicadas, imos nomear o Vals de Rosiña. Esta rapaza, Rosa foi a primeira tamborileira do grupo (e unha pioneira en Galicia) no ano 1974. Tal é así, que "non tiña traxe de muller e tiña que ir vestida coma un home", cóntanos Rosa en medio doutras preciosas anécdotas. "Comezamos a tocar coa Rondalla, antes de se formar Os Chaneiros, e íamos por ahí rachando a pana!", dí entre risas. Tamén lembra con moito cariño o traballo que Marino e Antonio pasaron para sacar ese grupo de rapaciños adiante: "Gracias a Antonio que dedicou moito esforzo, aqueles chaneiriños puideron ir ás súas primeiras actuacións".

E non digamos que eran actuacións "fáciles". Das primeiras que sabe Rosa, era unha actuación de 15 días no Santuario de Maceda de Ourense. Cóntanos Rosa que tivo que coidar dos cativos, xa que non estaban os seus pais, ata tal punto, que ata tiña que coidar de que non se mancharan as camisas e resto da roupa: "Non se podía ver ningún lamparón!!". Unha rapaciña pequena xa con toda a responsabilidade dun adulto.

Rosa recoñece a gran antención recibida por Antonio hacia eses rapaces e, a destacar, a esas rapazas que sentaron un precedente na música tradicional. Tal era a devoción que tiñan polo grupo que: "Cantas veces escapei pola ventana e saltaba o hórreo para poder ir ós ensaios. Miña nai non me deixaba ir, pero eu escapaba igual. Só había un problema: miña nai traballaba no colexio e sabía perfectamento onde podía atoparme", cóntanos Rosa.

É por iso, que este ano adicamos o VIII Memorial ás mulleres, ás que Antonio prestou tanta devoción. Non podiamos escoller un tema mellor!

Non volo perdades, haberá sorpresas para todos!

Deixámosvos o tríptico co programa